Бүгүн айрым аймактарда жамгыр жаашы күтүлүүдө

Бүгүн, 7-августта айрым аймактарда жамгыр жаашы мүмкүн. Бул тууралуу ӨКМден кабарлашты.

Маалыматка караганда, Ысык-Көл, Нарын облустарынын кээ бир райондорунда, Ош , Жалал-Абад облустарынын тоо этектеринде жана тоолуу райондорунда, Чүй, Баткен облустарынын тоолуу райондорунда өткүн өтүшү ыктымал. Ош, Жалал-Абад облустарынын өрөөндөрүндө, Чүй, Баткен облустарынын дыйканчылык аймактарында жана Талас облусунда жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн.