• Башкы бет
  • Президент Борбор Азия мамлекеттеринин президенттеринин саммитине барды
09:30, -ж., 6-август

Президент Борбор Азия мамлекеттеринин президенттеринин саммитине барды

Президент Борбор Азия мамлекеттеринин президенттеринин саммитине барды

Кыргыз Республикасынын Президенти Садыр Жапаров  Борбор Азия мамлекет башчыларынын консультативдик жолугушуусуна катышуу үчүн эки күндүк иш сапары менен Түркмөнбашы шаарына (Түркмөнстан) барды. Бул тууралуу президенттин сайтында жарыяланды.

Жолугушууда соода-экономика, энергетика, транспорт-коммуникация чөйрөлөрүндөгү региондук кызматташтык маселелери, ошондой эле коронавирус инфекциясы пандемиясына каршы күрөшүүдө биргелешкен чаралар талкууланат.

Сапардын алкагында Садыр Жапаров аймактагы өлкөлөрдүн лидерлери менен эки тараптуу сүйлөшүүлөрдү жүргүзөт.

Кыргыз Республикасынын расмий делегациясынын курамы:

— тышкы иштер министри Руслан Казакбаев;

— Жогорку Кеңештин Төрагасынын орун басары Аида Касымалиева;

— Министрлер Кабинетинин Төрагасынын орун басары — экономика жана финансы министри Акылбек Жапаров;

— Президенттин Администрациясынын тышкы саясат бөлүмүнүн башчысы Дастан Дюшекеев;

— Кыргыз Республикасынын Түркмөнстандагы Атайын жана ыйгарым укуктуу элчиси Талант Султанов;

— ички иштер министри Улан Ниязбеков;

— энергетика жана өнөр жай министри Доскул Бекмурзаев;

— транспорт жана коммуникациялар министри Гүлмира Абдралиева;

— Маданият, маалымат, спорт жана жаштар саясаты министри Кайрат Иманалиев.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

Жарыялар
live comments feed...