Оштун жаңы мэри жетекчилерди кабыл алды

Ош шаарынын мэринин милдетин аткаруучу Алмаз Мамбетов муниципалдык ишканалардын жетекчилерин кабыл алды. Бул тууралуу Ош шаардык мэриясынын басма сөз кызматы маалымдады.

Маалыматка ылайык, кечээ, 4-август күнү Ош шаарынын мэринин милдетин аткаруучу Алмаз Мамбетов шаар куруу жана муниципалдык менчик, экономика, чарба жана транспорт тармактарынын муниципалдык ишканаларынын жетекчилери жана тийиштүү бөлүмдөрдүн адистери менен жолугушту.

"Жыйындын алкагында ар бир тармактын жетекчилери, кызматкерлер өз багыты боюнча аткарылып жаткан иштер жана келечек пландар боюнча маалымат беришти. Шаар башчысынын милдетин аткаруучу Алмаз Мамбетов маселелер боюнча ой-пикирин ортого салып, тийиштүү тапшырмаларды берди.",-деп айтылат маалыматта.

Баардык ишканалардын жетекчилери менен жолугуп бүткөн соң, аткарылып жаткан иштерди жеринен көрүп чыгат.