Ошто 3 жетекчи ээлеген кызматынан бошотулду

Ош шаарында 3 муниципалдык башкармалыктын башчылары ээлеген кызматын тапшырышты. Бул тууралуу Ош шаардык мэриясынын басма сөз кызматы маалымат таратты.

Маалыматка ылайык, Ош шаардык «Суу канал» башкармалыгынын башчысы Дөөлөтбек Көкөчөров, «Ош-Тазалык» башкармалыгынын башчысы Нурбек Исмаилов, Ош шаардык «Жылуулук камсыздоо» ишканасынын жетекчиси Бекмурза Эргешов өз арыздарынын негизинде 30-июль күнү ээлеген кызматтарынан бошотулган. Тиешелүү буйрукка биринчи вице-мэр Замир Юсупов кол койгон.

Жогоруда аты аталган 3 кызматкер тең «Ата-Журт Кыргызстан» партиясынын тизмеси менен Ош шаардык кеңешине депутат болуп, мандат алышты.