Акжол Махмудов финалга чыкты

Грек-рим күрөшү боюнча балбан Акжол Махмудов Токиодогу Олимпиада оюндарынын финалына чыкты.

А.Махмудов бүгүн, 2-августта алгач Тунистин өкүлү Маафи Ладжед менен беттешкен. Аны 11:0 эсебинде жеңип, чейрек финалга чыкты.

Ал эми 1/4 финалда азербайжандык Рафиг Хусейнов менен килемге чыгып, аны да 9:1 эсебинде уткан.

Финалга жол ачуу үчүн Армениянын өкүлү Карапет Чалян менен кездешип, жыйынтыгында финалга жетти. Эми финалдык бөлүктө венгриялык Тамас Лоринц менен күч сынайт.