• Башкы бет
  • Акин Токталиев президент Садыр Жапаровду сотко берди
08:58, -ж., 15-июль

Акин Токталиев президент Садыр Жапаровду сотко берди

Акин Токталиев президент Садыр Жапаровду сотко берди

Дин иштери боюнча мамлекеттик комиссиянын мурдагы төрагасы Акин Токталиев президент Садыр Жапаровду жана анын мурдагы басма сөз катчысы Галина Байтеректи сотко берди. Бул тууралуу “Азаттык" жазды.

Ал "Азаттыкка" Дин иштери боюнча мамлекеттик комиссиянын төрагалык кызматынан негизсиз бошотулганын айткан.

"Кызматтан алганда президент менен ошол кездеги басма сөз катчысы мени экстремистке теңеп коюшкан", - деген Токталиев алардан 100 миллион сом доо өндүрүүнү жана кечирим суроону талап кылууда.

Токталиев Бишкектин Биринчи май райондук сотуна 8-июлда кайрылган. Бирок доо берүүдөгү кемчиликтерден улам арыз 12-июлда артка кайтарылган. Эртеси Токталиев арызын толуктап, кайра сотко бергенин билдирди.

Президенттик администрация жана Галина Байтерек азырынча комментарий берген жок.

Акин Токталиевдин диний мазмундагы талаштуу билдирүүлөрү буга чейин талкууга түшкөн. Ал Дин иштери боюнча мамлекеттик комиссиянын төрагасы кызматына 2020-жылдын 13-ноябрында дайындалып, 2021-жылдын 9-февралында бошотулган. Ал мурда Садыр Жапаровдун жактоочусу да болгон.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

Жарыялар
live comments feed...